《法国第一中锋 球会却是永远后备
2020-05-28

    《原创文章 欢迎转载 请列明出处 谢谢》-请支持蓝狮 Facebook专页-《法国第一中锋 球会却是永远后备 按此观看图片 基奥特,一个永远唔起眼既前锋,论质素佢唔係一等一,但每次一落场都会比足百二分拼劲你,论能力佢又唔係特别强,做既野睇落好简单但其实又无乜边个前锋肯做或者做到,亦无乜边个估到今时今日都经已三十有二既基奥特会係法国队首席前锋,但同时喺车路士就一直喺后备席上苦等机会,只可以喺欧霸盃获得上阵时间,实在令人费解。唔经唔觉经过沉晚法国对冰岛既赛事后,基奥特经已以35球压过查斯古特(David Sergio Trézéguet)晋身法国国家队射手榜第3位,距离第2位柏天尼(Michel François Platini)既41球就只差6球,而基奥特亦表明完成埋黎紧下年举行既欧国盃之后就会正式退出国家队,时间上绝对有机会挤身射手榜第2位。但其实无论国内外都一直有声音批评基奥特,尤其係喺上年世界盃时上阵超过540分钟都未能取得一个入球,不过基奥特既作用向来都唔在于所谓既入球数字,相信明白既人就总会明白。法国国家队主帅迪甘斯都曾经为「银河唯一」护航,相信无边个比起前者更清楚基奥特喺依加法国队套战术底下既重要性,支点争顶做二传、同队友one two做配合、透过跑动不断窜扰、牵制对方后卫,拉出更多空间比队友突破製造攻门机会,暂时喺依加众多既法国前锋当中就只有基奥特一人能够做到,如果后者退出国家队,基本上整套战术体系都要重新规划,到时法国队难免有机会需要经历一段阵痛期。而喺球会方面,自冬季转会窗希古恩加盟过后,法国人喺联赛就只获得一共55分钟既后备上阵时间,如果唔係希古恩有咩伤病问题,沙利都唔会考虑比基奥特上阵,而后者就只好喺欧霸盃得到上阵机会,假设车路士黎紧继续顺利晋级,面对更强悍既对手好似宾菲加、拿坡里等队伍,相信沙利亦会将基奥特调回后备席之中。球员亦表明清楚了解自己身体状况,同时知道经已进入黄昏之年,唔介意到次一级既联赛队伍效力,对回归法甲抱开放态度,不过一切都要以稳定既上阵时间为先决条件。其实基奥特绝对係一个好洗好用既后备球员,如果蓝军能够喺联赛增加更多上阵机会比佢,基本上基奥特係好大机会愿意继续留队,相反如果「银河唯一」真係选择季尾离队,相信沙利就必定成为车路士球迷既众矢之的。文章最后更新时间 : 26/3/2019 17:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持


上一篇: 下一篇:

相关推荐