《法比加斯始终技胜一筹 佐真奴唯欠「世界级」火候》
2020-05-28

    《原创文章 欢迎转载 请列明出处 谢谢》-请支持蓝狮 Facebook专页-《法比加斯始终技胜一筹 佐真奴唯欠「世界级」火候》 按此观看图片 .图片来源 : Twitter自佐真奴加盟车路士以嚟,一直都係蓝军阵中重要一员,开季至今球队九成赛事佢都有份踢,由于多条战线都需要同时参与,再加上连接国际週期,近日都开始发现哩位意大利国脚喺体力以及场上表现都有回落迹象,沙利会唔会喺哩个时候先将佐真奴放到后备席休息一下而选用法比加斯作正选呢?无论喺执教拿玻里年代定係依加嘅车路士,佐真奴喺沙利手下都拥有不可或缺嘅地位,两者可以话係一墨相连,喺433阵式当中,佐真奴被安排喺三中场靠后位置,主要职责除左串联中后场之外,基本上球队所有波都要经佢发板,策动攻势、调控节奏、甚至连队友走位点传都由佢统筹,绝对係「沙利波」嘅核心人物,亦係因为咁所以沙利喺加盟蓝军之前务必要管理层同时将佐真奴收归旗下。位置上係一个靠后嘅防中,但实际上佐真奴喺防务方面所做嘅野其实唔多,除左逗位之外,哩位意大利球员喺各项防守上嘅能力都相当普通,尤其係喺英超哩啲注重高强度身体对抗嘅联赛入面,身形单薄嘅佢其实真係好输蚀,再加上自身速度唔高,所以无论面对嘅係身形庞大嘅中锋定係跑得快嘅翼锋,基本上佐真奴都无乜甜头可言,亦好多时因为体力不足导致比赛尾段出现「半隐形」情况。至于喺传送质素方面,相对于法比加斯,硬係觉得佐真奴欠缺左西班牙人哩一方面嘅火候,传球视野两位可能都差无几,不过佐真奴好多时都睇到交唔到,队友总係差一两步至可以成功接应,相反法比加斯喺哩一方面绝对係得心应手,无论长短传都驾轻就熟,好多时拎到波都能够交出啲「一脚波」直入对手心脏地带,无疑经已係炉火纯青嘅境界,同佐真奴嘅级数存在分野。当然,要拥有「世界级」嘅传送能力并唔係一朝一夕所能够达到嘅时,日子有功,相信佐真奴未来一定能够达到法比加斯果种老炼程度,而沙利可以谂下喺一啲赛事上喺哩个位置作出轮换,好让两者都能够各取所需,对球队今季嚟紧嘅整体发挥绝对係百利而无一害。文章最后更新时间 : 15/10/2018 11:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持


上一篇: 下一篇:

相关推荐